4 all those who luvd and lost…..
Wo bhi to ek naya saal tha….jo beet gaya.
Kitni taiyyariyon ke saath..
Josho-kharosh mein…
Main ye pahnoongi…
Tum kya pehnoge?
Achcha tum ye pahan lena!
tum ismein janchte ho.
Wo kyon nahi?
Maine kaha na wo tum pe achcha nahi lagta…
…wo mat pahan-na.
…aur agar tumhe wo pahan-na hai!
To mere saath bahar mat jaana.
Kyon?
Kyon kya?kaha na!mera kahna maan-na hoga tumhe mere saath jaane ke liye!
Main jaanta hun…
Tum mujhse kai guna sunder ho..
Aisa maine kab kaha’tum chhidhi”
Jo sunder hote hain unhe kahna nahi padta..
Phir!tumhare honth fadfadaye..
Unki naak pe titli baithi rahti hai…
Tum bhi na paaglon jaisi baatein karte ho!
Maine to tumse pahle hi din kah diya tha” ki main paagal hun.”
Theek hai baba!galti ho gayi..
Ek paagal se paala pad gaya bas!
Kya tumhe lagta hai ki hum ek rishte mein hain?
Kyon?nahi hain kya?
Nahi bas yun hi!
Tum sentence poora kar do, main naaraz nahi hoongi
Kal nukkad pe koi kah raha tha…
Rishte-rishte hote hain
Wo toot jaate hain.aur jo nahi toot-te!wo kya hote hain?
Tumne zid ki..
Nahi pata….itna kahke maine sar neecha kar liya.
Kyon?
Tumhe kaise nahi pata?
Nukkad pe ye bhi sun lete!
Jaanti ho!
Aaj saalon baad….
Usi din..
Maine hanger pe wo shirt tangi dekhi hai…
Tumhari favourite…
Jo maine us roz tumhari marzi se pahni thi
Main to zindgi bhar apni marzi chalaungi..
Soch lo!tumne kaha tha
Chalana…ismein sochna kya?
Nahi….tumhe bhi to saath rahna hai!
Soch lo…! tumne dobara kaha
Main tab chup-chaap collar ki button band kar raha tha.
Ai sar upar uthao….
Tumne meri baat ka jawab kyon nahi diya?
Tumne toka!
Aaj wardrobe ke hanger pe…
meri collar ki button pe
tumhara wo sawal baitha hai.
Tumhare naak pe baithi titli
Mere jawab ka wait kar rahi hai…
Par main sar neecha kiye baitha hoon…
Usi wardrobe ke saamne
Jismein tumhari favourite shirt tangi hai
Aur jahan tum!...mujhe chhod ke gayi thi.
HAPPY NEW YEAR.
…………………………….
JAHAN KAHI BHI TUM HO.
Subscribe to:
Post Comments (Atom)
2 comments:
jst a begginer i am in d world of poetries... d way u embody d deep emotions into very simple things .."""
""Aaj wardrobe ke hanger pe…
meri collar ki button pe
tumhara wo sawal baitha hai."""
i find it mesmerizingg ...
guess poetry is inspired by a deep untouched feeling ...unknown to odrs ...n difficult to knw...neither wud dey evr knw..bcz its urs
....u r a gem of a designer,in d real sense u understand d colours otherwise biggest myopics come close 2 u nd say"i have a clear sight but i'm not seeing d needle.its their problem bcz they always try 2 figure out life which v can't.thnx.tc
Post a Comment