....meri aakshi ke liye jise D ke baare mein maloom hai.
""SHAAYAD WO
TUMHARA HO""..
......Kabhi tum aisa kyon nahi karte?
thoda udhar aate ...
zidhar main akela hoon.
Cheeni mitti ke pyale mein chai ka shauk...
tumhe kahne ki zarurat nahi padegi...
ek gaanth adrak..
aadhi chammach chini
...aur patti utni hi jitni tum bol ke gayi thi....
....chai ubal jayegi
tum naaraz hogi....
...chulehe ke burner pe chai ki khusboo..
...tumhe pasand nahi hai..
roshandaan ka pankha jal gaya hai...
ab wo har taraf ki hawa se rengta rahta hai...
...har koi yahan apni marzi ka maalik hai..
koi kisi ki nahi sunta..
......na roshandaan ka pankha......na burner pe giri chai ki khusboo..
...........Tum chai ko "thandi" peeti thi
aur main "garm"..........
"TASEER"
kahan jaake baith gayi hai..?
aksar meri garm chai tumhari thandi ho jaati hai...
peena bilkul yaad nahi rahta..!
adrak ki "talkhi"
cheeni ki "mithaas"
kabhi apni naapon se zyada ho jaate hain....
to kabhi apni naapon se bahut kam,,
utna kabhi nahi hote.......
jispe "hamari"chai bana karti thi...
............tumhara "cup"
jise tum "MERA"cup kahti thi..
ladti thi agar main usmein kabhi peena chahta tha
kal us cup ko...
saalon baad...
main dhulna chahta tha..
wahan kuch gard jama ho gayi thi..
aur tumhari ungliyon ke nishan..
dhundhle pad rahe the..
..............dhote waqt
cup ke "othon"ke paas ki
cheeni mitti dhasak gayi..
JAANTI HO..................................US DIN
jab tumne isi pyale mein chai lee thi
tumhare hisaab se chai thandi ho chuki thi
aur jaise hi tumne onth lagaye...
wo "jal" ke laal ho gaye the...
maine tab tumse darte hue poocha tha
jaanta tha..
tumhe apni kamzoriyan batana achcha nahi lagta...
................................aaj kis rang ki lipistic lagayi
AUR TUMNE KAHA THA..
"onth"ke rang se "tanik gahre rang ki".........
aaj jab pyale ka ''onth"toota..
to wahan usi "tanik gahre rang ka"
NISHAAN mila..
...........jo bahut dhone ke baad bhi..
tumhari chai ke toote onth waale pyale pe "ankit"hai...
....Shaayad Wo Tumara Ho………
v
2 comments:
no words ...m speechless..i started..stopped for a moment..almost in tears...hey hold on this is not a regular poem written just for the sake of poetry... pain could be so colorful ? unbeleavable..!
"aaj jab pyaale ka honth toota..to wahan wahi "tanik gehre rang" ka nishaan mila "how can a writer strikes such a delicate chord so simply and naturally ? i mean it's phenomenal to insert a relationship into such "time machine"...recalls me a couplet of Meer " ujaad ghar me khushboo kahan se aati hai..koi to hai dar o deewar ke alaawa "....
"roshandan ka pankha jal gaya hai
ab wo har taraf ki hawaon se rengta hai "
awesome ..terrific imagery...this "har taraf" and "pankha" is connected briiliantly...it tells a story..a story of thousands of people around and the thoughts are walking..running..scared..stares..to whom ..? where..at zero milestone...every face has something to say..every ear want to hear some phonetic memories..every eye want to see pretty past..but everything is lost coz the winds who are blowing so carelessly and making the "fans" vulnerable...i can say that this is the most beautiful poetry of recent times...thanx for this..
...i won't say thanx bcz somwhere as
a frnd u have nourished me 2 turn in to a sensitive humanbeing."ye hamari sajhe ki kheti hai/ya saajhi dari hai." ....i wud luv 2 say dis cup belongs 2 u as much, as it belongs 2 me.luv u.
Post a Comment